राष्ट्रपति के हाथ ले मिलिस सम्मान
कुम्हारी। कुम्हारी शहर ह स्वच्छ सर्वेक्षण 2024-25 म जबरदस्त प्रदर्शन करत हुए राष्ट्रीय स्तर म अपन पहचान बनइस। गुरुवार 17 जुलाई के विज्ञान भवन नई दिल्ली म होए एक बड़े कार्यक्रम म देश के राष्ट्रपति द्रोपदी मुर्मू ह उप मुख्यमंत्री अऊ नगरीय प्रशासन अऊ विकास विभाग के मंत्री अरुण साव ल ये सम्मान दिस संग ही नगर पालिका अध्यक्ष श्रीमती मीना वर्मा अऊ मुख्य नगर पालिका अधिकारी नेतराम चन्द्राकर घलो मंच म हाजिर रहिन।
कुम्हारी ल 20,000-50,000 जनसंख्या वर्ग म 10367 अंक के संग तीसरा स्थान मिलिस हे। येकर संग ही, कुम्हारी शहर ल ‘गार्बेज फ्री सिटी’ वर्ग म 3-स्टार के दर्जा घलो मिलिस हे।
ये ऐतिहासिक उपलब्धि म कुम्हारी नगर पालिका के अध्यक्ष श्रीमती मीना वर्मा, मुख्य नगर पालिका अधिकारी नेतराम चंद्राकर, उपाध्यक्ष प्रमोद सिंह राजपूत अऊ स्वास्थ्य विभाग के श्रीमती लता साहू ह जम्मो नगरवासी मन ल ये उपलब्धि बर मया के बधाई दिन।
मुख्यमंत्री विष्णु देव साय अऊ उपमुख्यमंत्री अऊ नगरीय प्रशासन अऊ विकास विभाग के मंत्री अरुण साव ल ये उपलब्धि बर धनबाद कहे गिस। ये सफलता के श्रेय कुम्हारी नगर के पार्षद मन, स्वच्छता ब्रांड एंबेसडर मन, पालिका अधिकारी मन, कर्मचारी मन, स्वच्छता दीदी मन अऊ सफाई मित्र मन के कठिन मेहनत ल दे गिस। बताय जाथे के 2023 म घलो कुम्हारी नगर पालिका ल स्वच्छता बर सम्मानित करे जा चुके हे।
विज्ञान भवन, नई दिल्ली म होए ये बड़े कार्यक्रम म कुम्हारी नगर पालिका टीम कोति ले गौरव केशरवानी (जिला समन्वयक), सब इंजीनियर श्रीमती साधना अहिरवार, अऊ लेखापाल हरिकिशन पावरिया हाजिर रहिन।
