लोकप्रिय कांग्रेस पार्षद नीतू रावते के अचानक निधन

विधायक भूपेश बघेल ह दुख जतइन

कुम्हारी। नगर पालिका कुम्हारी के वार्ड नंबर 11 के पूर्व पार्षद नीतू रावते (52 बछर) के सनीचर के बिहनिया दुखद निधन होगे। वो कुछ दिन ले बेमार चलत रिहिस अउ रायपुर के एक अस्पताल म ओखर इलाज चलत रिहिस।

नीतू रावते कांग्रेस ले लगातार चार घाव के पार्षद रिहिस अउ वो जीत बर जाने जात रिहिस, जे ह बीस बछर तक पार्षद के रूप म कुम्हारी के अलग-अलग वार्ड मन के प्रतिनिधित्व करिस। ओखर लोकप्रियता एतका रिहिस के वो कोन भी वार्ड ले चुनाव लड़त रिहिस, ओखर जीत तय माने जात रिहिस।

ओखर अचानक निधन ले कुम्हारी नगर अउ कांग्रेस कार्यकर्ता मन म भारी दुख छाये हे। सनीचर के दिन नगरवासी मन रोवत आँखी ले ओला अंतिम बिदाई दीन। ओखर अंतिम संस्कार गाँव कुगदा के मुक्तिधाम म करे गिस।

अंतिम संस्कार म पूर्व मुख्यमंत्री अउ पाटन विधायक ह खुद पहुँचे रिहिस, एकर अलावा भारी संख्या म नगरवासी अउ कांग्रेस कार्यकर्ता मन घलो उपस्थित रिहिन।