डबरी तालाब म मिलिस नवजात शिशु के लाश, पुलिस ह जांच म जुटिस

कुम्हारी। कुम्हारी के पटेल पारा म स्थित नवा तालाब (डबरी तालाब) म आज बिहनिया एक नवजात शिशु के लाश मिले के खबर हे। ए घटना ले इलाका म दुख अऊ चिंता के माहौल छा गे हे।

मिले जानकारी के अनुसार, बिहनिया जब कुछ स्थानीय मन तालाब नहाए का गे रीहिस, तब ओ मन ल पानी म एक शिशु के मृत शरीर दिखिस. एखर बाद तुरंत पुलिस ल खबर करे गईस। पुलिस टीम ह मोका म पहुंच के आगू के कार्रवाई करत हे।
हलांकि, पुलिस डहर ले अभी तक कोनो आधिकारिक सूचना जारी नइ करे गे हे।

ए घटना ह समाज म कई सवाल खड़ा कर दे हे। मनखे मन ए उम्मीद करत हें कि पुलिस ह जल्दी ले जल्दी ए मामला के गुत्थी सुलझाए अऊ दोषी मन ल सजा मिले।