बलरामपुर. जिला के रघुनाथ नगर थाना क्षेत्र म एक नाबालिग लड़की ले दुष्कर्म करे के आरोप म पुलिस ह एक युवक ल गिरफ्तार कर ले हे. आरोपी ह नाबालिग ल जान ले मारे के धमकी देके अपन मामा के घर ले जाके ओकर संग दुष्कर्म करे रिहिस हे.
पुलिस ले मिले जानकारी के अनुसार, आरोपी मनोज कुमार (21 साल के) घर म घुसके नाबालिग ल जान ले मारे के धमकी दिस अऊ ओला जबरन अपन मामा के घर लेगिस. हुवां ओ ह नाबालिग के संग दुष्कर्म करिस. ये घटना के बाद पीड़िता ह रोवत-बिलखत अपन घरवाला मन ल सब बात बताइस, जेखर बाद ओ मन रघुनाथ नगर थाना म शिकायत दर्ज कराइन.
पुलिस ह तुरंत मामला दर्ज करके जांच सुरू करिस. बड़े अधिकारी मन के निर्देश म कार्रवाई करत हुए पुलिस ह आरोपी मनोज कुमार ल गिरफ्तार कर लिस. आरोपी के खिलाफ धारा 333, 351(1), 137(2), 64 बीएनएस अऊ पॉक्सो एक्ट के धारा 4, 6 के तहत कार्रवाई करे गे हे. पुलिस ह आरोपी ल कोर्ट म पेश करिस, जिहां ले ओला न्यायिक हिरासत म जिला जेल रामानुजगंज भेज दे गे हे.