वन विभाग के टीम ऊपर ग्रामीण मन के हमला, डिप्टी रेंजर समेत पांच घायल

नईदुनिया न्यूज के अनुसार, डौंडी म शासकीय काम के निरिक्षण करे बर पहुँचे वन विभाग के टीम ऊपर ग्रामीण मन ह हमला कर दिन। कर्मचारी मन ल लाठी-डंडा ले खदेड़-खदेड़ के मारिन। एमा डिप्टी रेंजर समेत पांच कर्मचारी घायल हो गए हें।

रविबार बिहनिया 7:30 बजे डौंडी वन विभाग के छह सदस्यी टीम पेवारी बीट के कक्ष क्रमांक 156 म पहुँचे रिहिस। टीम के गाड़ी ले उतरतेच, 50 ले 60 ग्रामीण मन ह ओमन ऊपर हमला कर दिन। अचानक होए ए हमला म डिप्टी रेंजर शिवकुमार चंद्राकर, वन रक्षक गोपी साहू, हीरामन रावटे, देवचंद्र हिडको अउ ड्राइवर यश कुमार घायल हो गें।